Ne 2 ore dorezojme ne te gjithe Tiranen :)

Perime Furre me Rozmarinë

Kjo tavë mundëson përdorimin edhe të shumë perimeve të sezonit dhe erëzave të tjera sipas dëshirës, mjafton pak krijimtari nga ana juaj. Kini besim tek shijet!

Përbërësit:

  • 700gr patate, patate të embël dhe patate të vogla, të prera në copa
  • 450gr lakra bruksel, të prera përgjysëm
  • 1 spec të madh të kuq, të prerë në copa të vogla
  • 1 qepë të kuqe mesatare, të prerë ne copa të vogla
  • 2 kunguj mesatarë, prerë përsëgjati dhe më pas në copa
  • 2 karota mesatare, të prera
  • Vaj ulliri
  • 1-2 degë me rozmarinë të freskët të ndara në fije
  • 2 lugë çaji me kripë
  • 1 lugë çaji me hudhër pluhur

Përgatitja:

1.Ngrohni paraprakisht furrën në 200°C.

2.Vendosni patatet, lakrat bruksel, specin, qepën, kungullin dhe karotat në një tavë të madhe, pasi t’i keni prerë të gjitha.

3.Hidhni vaj ulliri (në sasi sipas dëshirës), rozmarinën, kripën dhe hudhrën. Trazojini mirë të gjitha që t’i përthithin mirë të gjitha erëzat.

4.Futeni në furrë rreth 40 minuta ose deri sa perimet të kenë filluar të marrin ngjyrën e pjekjes dhe të jenë zbutur (mund ta provoni duke future pirunin).

P.s: Nëse ju mbetet, mos u bëni merak pasi mund ta servirni duke e ngrohur përsëri në furrë rreth 10 minuta.