Ne 2 ore dorezojme ne te gjithe Tiranen :)

Sallata me Pasta, Panxhar të Pjekur, Djathë dhe Baby Spinaq

Përbërësit për sallatën:

  • 2 panxhar të kuq të vegjël, të prerë në 4 ose 6 pjesë
  • 2 lugë gjelle vaj ulliri MIA
  • Kripë + piper
  • 500gr makarona fusilli
  • 150gr djathë dhie, të coptuar
  • 2 kunguj të vegjël, të prera hollë
  • 2 lugë gjelle stika pishe
  • 250gr baby spinaq nga ferma MIA
  • 1 avocado, e prerë në copa

Përbërësit për peston me borzilok:

  • 50gr borzilok i freskët
  • ½ filxhan vaj ulliri MIA
  • 2 lugë gjelle lëng i freskët limoni
  • 1 lugë gjelle uthull molle
  • 1 thelpi hudhër
  • ½ lugë çaji piper të kuq pikant
  • Kripë

 

Përgatitja:

1.Si fillim përgatitim peston e borzilokut. Në një blender hedhim borzilokun (pasi ta kemi pastruar), vajin e ullirit, lëngun e limonit, uthullën, hudhrën, një lugë çaji kripë dhe piperin pikant. I trazojmë mirë deri sa të formohet një masë konsistente. Provojeni për të arritur shijen e dëshiruar duke e balancuar me kripë apo erëza të tjera.

2.Më pas, ngrohni paraprakisht furrën në 200°C. Panxharët e prerë marinojini me vaj ulliri, kripë dhe piper dhe më pas shtrojini në një tavë me letër kuzhine. Futini pasi të jetë ngrohur furra dhe lerini të piqen rreth 25-30 minuta, ose deri sa panxharët të jenë zbutur dhe të kenë marrë ngjyrën e duhur të pjekjes.

3.Ndërkohë vendosni një tenxhere me ujë me kripë për të zierë. Hidhni më pas fusillit deri sa të jenë al dente. Pasi të jenë zierë, kalojini në një tas ku dhe do i servirni.

4.Ndërkohë që janë akoma të nxehta, hidhni djathin e dhisë dhe disa lugë nga pesto e borzilokut. Trazojini mirë të gjitha. Shtoni kungullin e prerë paraprakisht, stikat e pishës dhe baby spinaqin dhe trazojini përsëri për t’u bashkuar të gjithë përbërësit.

5.Në fund hidhni sipër panxharin e pjekur dhe avokadon. Pjesën e mbetur të pestos mund ta servirni për ta shtuar sipas dëshirës nga secili pjesëtar i familjes.

BLINI TE GJITHA PRODUKTET QE JU NEVOJITEN PER KETE RECETE