Ne 2 ore dorezojme ne te gjithe Tiranen :)

Supë me Spinaq dhe Dardha

Përbërësit:

  • 55gr pancetë, e prerë në kubikë të vegjël
  • ½ qepë mesatare, e prerë hollë
  • 2 dardha, të qëruara dhe të prera (sipas dëshirës lëkurën mos e hiqni)
  • ½ filxhan me arra
  • ½ lugë çaji koriander të tharë ose turmeric
  • 4 filxhan lëng perimesh ose lëng pule
  • 170gr spinaq
  • 2 lugë gjelle majdanoz, të prerë
  • Kripë, piper dhe vaj ulliri, për më shumë shije

Përgatitja:


1.Vendosni në sobë me temperaturë mesatare-të lartë një tigan të thellë ose tenxhere. Shtoni kubat e pancetës dhe lerini të skuqen rreth 5-7 minuta, deri sa të marrin ngjyrën e dëshiruar dhe të bëhen krokante. Hiqini me kujdes dhe vendosini në një pjatë me letër kuzhine në mënyrë që të thithë yndyrën e tepërt. Pjesën e yndyrës të mbetur në tigan mos e hiqni.

2.Uleni temperaturën e sobës në mesatare dhe shtoni në tigan qepën, gatuajeni deri sa të zbutet dhe të bëhet e tejdukshme, rreth 5-7 minuta.

3.Shtoni dardhat e prera, arrat dhe koriandren, dhe gatuajini duke i trazuar rreth 2 minuta. Shtoni lëngun e pulës dhe lereni në zjarr deri sa të vlojë, rreth 5 minuta ose deri sa dardha të jetë zbutur.

4.Shtoni spinaqin dhe majdanozin dhe lereni dhe për një minutë më shumë ose deri sa spinaqi të jetë zbutur plotësisht. Hiqeni nga soba.

5.Transferojeni supën në një blender, duke e hedhur pjesë pjesë nqs është e nevojshme, dhe bëjeni deri sa të marrë formën e puresë. Më pas kthejeni përsëri tek tigani dhe lereni të ngrohet përsëri në temperaturë mesatare. Hidhini kripën dhe piperin për ti dhënë më shumë shije.

6.Pasi ta hidhni nëpër pjata, shtoni sipër vaj ulliri, pancetat dhe mund ta servirni me bukë të thekur.

BLINI TE GJITHA PRODUKTET QE JU NEVOJITEN PER KETE RECETE